Desenvolverase entre marzo e abril na biblio da rúa San Xoán e xa está aberto o prazo de inscrición no 981 704 041 ou en bibliotecarballo@carballo.gal
A Concellaría de Bibliotecas pon en marcha na biblioteca da rúa San Xoán Bautista unha nova actividade dirixida a nenos e nenas a partir de 11 anos e tamén a persoas adultas que queiran iniciarse no mundo da creación plástica. Mon Lendoiro e Cristina Castro, do Estudo Garabato, impartirán ao longo dos meses de marzo e abril un obradoiro de ilustración, caricatura, manga e humor gráfico no que seguro que descubriremos novos valores artísticos.
Se queres participar non agardes máis. Envía os teus datos a bibliotecacarballo@carballo.gal ou chama ao 981 704 041, onde tamén podes solicitar máis información sobre o proxecto. As prazas son limitadas e a participación é de balde e inclúe tamén os materiais necesarios para o taller. As sesións serán os sábados de 10.00 a 13.30 horas.
Anímaste?
Este é o programa:
• 2 de marzo: A ilustración
• 9 de marzo: A caricatura
• 16 de marzo: O collage
• 23 de marzo: O humor gráfico
• 30 de marzo: A ilustración infantil
• 6 de abril: Construíndo personaxes
• 13 de abril: O cómic europeo e o manga
• 20 de abril: A caricatura dixital. Entrega de diplomas
